നൂറ്റാണ്ടുകൾ പഴക്കമുള്ള നമ്മുടെ ക്ഷേത്രത്തിൽ ഉഗ്രമൂർത്തിയായ ചൊവ്വാ ഭഗവതിയുടെ ശാന്തസ്വരൂപിണി ഭാവമാണ് പ്രതിഷ്ഠ. തെക്കോട്ട് ഗുരുതി ആയതിനാൽ ഉഗ്രരൂപിണിയാണ് അമ്മ. അറിഞ്ഞ് പ്രാർത്ഥന നടത്തുന്ന ഭക്തരെ ദേവി കൈവിടാതെ കാക്കുന്നു. അഭീഷ്ടവരപ്രസാദിനിയും ക്ഷിപ്രകോപിയുമാണ് ദേവി. ആശ്രിതർക്ക് ദേവി എന്നും ഒരു തണലായി കൂടെ നിൽക്കുന്നു. എടയാറ്റ് കുടുംബാംഗങ്ങളെ മാത്രമല്ല അമ്മയെ തൊഴുത് പ്രാർത്ഥിക്കുന്ന എല്ലാ ഭക്തരേയും ദേവി കാത്തുരക്ഷിക്കുന്നു എന്നതിന് നിരവധി ഉദാഹരണങ്ങളും അനുഭവ സാക്ഷ്യങ്ങളും ഉണ്ട്.